Բլոգերի վտանգավոր հնարքը՝ գեղեցիկ լուսանկար ունենալու համար
Ամերիկացի բլոգերներ Քելլին և Քոդին Instagram-ում լուսանկարեն հրապարակել, որում աղջիկը վտանգավոր դիրքում է՝ անդունդից կախված։ Օգտատերերի արձագանքը տարբեր էր, մի մասը՝ խիստ քննադատական։
Լուսանկարում Քոդին կանգնած է լողավազանում և համբուրում է Քելլիին, որը կախված է անդունդից՝ բռնված միայն Քոդիի ձեռքից։
«Կյանքի մեր ամենամեծ ուժը, գլխավոր սկզբունքը ինտուիցիան է։ Միայն դուք կարող եք ճանաչել ձեր մարմինը, զգալ ձեր շուրջը եղած տարածությունը և հասկանալ ձեր ունակությունները»։
Ահա այսպես էին մեկնաբանել բլոգերներն իրենց լուսանկարը։
Լուսանկարը հավաքել է ավելի քան 18․000 հավանում, մեկնաբանությունները ևս շատ են՝ մի մասը խիստ բացաական․
«Ամենահիմար բանը, որ տեսա այսօրվա ընթացքում։ Պատկերացրեք՝ ինչ կլիներ, եթե աղջիկն ընկներ։ Եվ այդ ամենը միայն հանուն ինտերնետային փառքի»։
Քիչ չէին նաև այն օգտատերերը, որոնք հավանել էին լուսանկարը․
«Քելլի, դու այնքան քաջ ես։ Չգիտեմ, ես կկարողանայի՞ այդպես կախվել։ Հրաշալի լուսանկար»։