ԱՄՆ-ում մոտ 4 մլն դոլարով 3 բնակիչ ունեցող գողտրիկ բնակավայր է վաճառքի հանվել (լուսանկարներ)
ԱՄՆ Ինդիանա նահանգում մոտ 4 մլն դոլարով վաճառքի է հանվել 17,4 ակր մակերեսով Սթորի բնակավայրը, որն ընդամենը 3 բնակիչ ունի, հաղորդում է Fox News-ը:
Բնակավայրում կա հացահատիկի աղաց, խանութ, վարձակալությամբ հանձնվող տնակներ, ախոռներ, ձիերի համար ցանկապատված արոտավայրեր, ջրհորներ և պտղատու այգի:
Բնակավայրը հիմնադրվել է 1851թ.-ին՝ Ջորջ Սթորիի կողմից, սակայն Մեծ ճգնաժամից հետո կյանքն այնտեղ լիովին պասիվացել է:
1999թ.-ին Ռիք Հոֆսթեթերն աճուրդով ձեռք է բերել բնակավայրը՝ այնտեղ պանդոկ հիմնելով, սակայն այժմ 62-ամյա տղամարդը կարծում է, որ ժամանակն է բնակավայրի համար նոր տեր գտնելու:
Սթորի բնակավայրում ամեն տարի ուշագրավ միջոցառումներ են տեղի ունենում՝ ներառյալ Ինդիանայի գինու փառատոնը, հարսանիքներ, ծննդյան խնջույքներ, հումորիստական շոուներ և այլն:
