ԱՄՆ-ն առաջարկել է նոր տուրքեր մտցնել ԵՄ-ից ներկրվող մի շարք ապրանքների համար

Միացյալ Նահանգները դիտարկում է Եվրամիությունից ստացվող ապրանքների նոր տուրքեր մտցնելու հնարավորությունը, տեղեկացնում է RT-ն՝ հղում կատարելով ԱՄՆ առեւտրային ներկայացուցչի վարչության հայտարարությանը։

«Առեւտրի համաշխարհային կազմակերպությունը քանիցս տեղեկացրել է, որ Եվրամիության սուբսիդիաները Aribus-ի համար հակառակ էֆեկտ են գործել Միացյալ Նահանգներում։ Այսօր ԱՄՆ առեւտրային ներկայացուցչի վարչությունն սկսում է ԵՄ ապրանքների սահմանման գործընթացը, որոնց վրա կարող են դրվել լրացուցիչ տուրքեր, քանի դեռ ԵՄ-ը չի դադարեցրել այդ սուբսիդիաները»,- ասվում է գերատեսչության կայքում հրապարակված փաստաթղթում։

Ավելի վաղ ԱՄՆ նախագահ Դոնալդ Թրամփը սպառնացել էր ԵՄ-ին տուրքեր մտցնել ապրանքների ներմուծման վրա, եթե երկրները չհամաձայնեն առեւտրի վերաբերյալ բանակցություններ վարել։

2018 թվականի աշնանը Եվրախորհրդարանի միջազգային առեւտրի կոմիտեն հրապարակել էր հետազոտություն, որում ներկայացրել է ԵՄ եւ ԱՄՆ առեւտրային հարաբերությունների զարգացման մի քանի տարբերակներ։

Դրանցից ամենահավանականն ու ամենավատը, ինչպես նշվել է, ենթադրում է Թրամփի վարչակազմի կողմից տուրքերի պահպանում պղնձի եւ ալյումինիումի վրա, միեւնույն ժամանակ՝ ԵՄ-ից ավտոմեքենաների եւ ավտոպահեստամասերի ներկրման տուրքեր մտցնելու հայտարարում, ինչպես նաեւ ԱՄՆ-ի եւ Չինաստանի միջեւ առեւտրային վեճերի հետագա սրացում։