«Վրաստանի և ԵՄ-ի համագործակցությունը հաջողության պատմություն է». Մոգերինի
Վրաստանի և Եվրամիության միջև համագործակցությունը հաջողության պատմություն է, ինչպես նշում է apsny.ge կայքը, այս մասին Բրյուսելում հայտարարել է Եվրամիության դիվանագիտության ղեկավար Ֆեդերիկա Մոգերինին:
«Մենք հիանալի կերպով համագործակցում ենք Վրաստանի հետ: Մենք հնարավորություն ենք ունեցել Բրյուսելում այդ մասին խոսելու, երբ հանդիպում ունեցանք Վրաստանի կառավարության անդամների հետ: Վրաստանի և ԵՄ-ի միջև գործընկերությունը, անշուշտ, հաջողության պատմություն է, որը շարունակություն կստանա նաև ապագայում»,- ասել է Մոգերինին:
Այսօր Բելգիայի մայրաքաղաքում ԵՄ անդամ երկրների արտգործնախարարները քննարկել են Արևելյան գործընկերության անդամ պետությունների հետ համագործակցության և ծրագրի 10-ամյակի տոնակատարության պատրաստությունների հարցերը: