Մարադոնան սպառնացել է հեռանալ ֆուտբոլից

Մեքսիկական «Դորադոս դե Սինալոա» թիմի արգենտինացի մարզիչ Դիեգո Մարադոնան ցանկություն է հայտնել թողնել պաշտոնն ու հեռանալու ֆուտբոլից:

Ինչպես հայտնում է Gazeta.ru-ն, 58-ամյա մասնագետը նման հայտարարություն է արել՝ դժգոհ լինելով ֆուտբոլային հանդիպման ժամանակ չնշանակված 11 մետրանոց հարվածից:

Իր թիմը «Վենադոս դե Մերիդայի» հետ խաղն ավարտել է ոչ ոքի հաշվով (1:1), սակայն փլեյ-օֆֆ-ում իր տեղն ապահովելու համար թիմին անհրաժեշտ էր երեք միավոր ստանալ:

«Իմ ֆուտբոլիստը մաքուր 11 մետրանոց էր վաստակել: Բայց այն չնշանակեցին, որպեսզի հետագայում ԶԼՄ-ներում տեղեկություն չհայտնվի, որ Մարադոնայի թիմին ավելին են թույլատրում, քան մյուսներին: Այդ պատճառով մտածում եմ իմ պաշտոնը թողնելու մասին, որպեսզի չվնասեմ ակումբին», - մեկնաբանել է Մարադոնան:

Նա հավելել է, որ պատրաստ է վերջնականապես հրաժեշտ տալ սպորտին: