Տասնյակ հազարավոր գերմանացիներ բողոքի ցույցեր են անցկացրել աճող բնակվարձերի դեմ

Շաբաթ՝ ապրիլի 6-ին, Գերմանիայի մայրաքաղաքի տասնյակ հազարավոր բնակիչներ մասնակցել են բողոքի ակցիային ընդդեմ բնակարանների վարձավճարների բարձրացման: Ըստ «Ընդդեմ վտարման եւ բնակվարձերի բարձրացման» միջոցառման կազմակերպիչներից մեկի տվյալների՝ մասնակցել է շուրջ 35 000 մարդ, որոնք ներկայացնում էին ավելի քան 260 կազմակերպություններ եւ խմբեր, հաղորդում է DW-ը:

Ոստիկանությունը չի նշում մասնակիցների հստակ թիվը՝ խոսելով հազարավոր ցուցարարների մասին:

Ակցիայի կազմակերպիչները մեկնարկել են օրենսդրական նախաձեռնություն, որը նախատեսում է բնակարանային ֆոնդի օտարում կոնցեռնների սեփականությունից՝ բնակարանների սեփականատներից: Ակտիվիստների առաջարկի համաձայն՝ կոնցեռնները, որոնք տնօրինում են ավելի քան երեք հազար բնակարաններ, պետք է վաճառեն դրանք տվյալ տարածքի իշխանություններին: Այնուհետեւ տեղական ինքնակառավարման մարմիններին փոխանցված բնակարանները պետք է վարձույթով տրվեն ավելի մատչելի արժեքով:

Որպեսզի օրենսդրական նախաձեռնությունը օրինագծի կարգավիճակ ստանա եւ բունդեսթագում ուսումնասիրվի, այն վեց ամիսների ընթացքում պետք է ստորագրի 20 000 մարդ: Դժգոհ վարձակալների միավորումն առաջիկայում նախատեսում է հավաքել անհրաժեշտ ստորագրությունները: