ԱՄՆ 20 նահանգի իշխանությունները դատի են տվել Թրամփին
ԱՄՆ նահանգներից քսանի իշխանությունները դատական հայց են ներկայացրել նախագահ Դոնալդ Թրամփի վարչակազմի դեմ, ինչի մասին ասվում է Նյու Յորք նահանգի գլխավոր դատախազ Լետիցիա Ջեյմսի կայքում:
Նահանգների իշխանությունների դժգոհության պատճառն այն է, որ Թրամփի վարչակազմը փորձում է ապօրինի ճանապարհով դաշնային բյուջեից 1,6 մլրդ դոլար տրամադրել Մեքսիկայի հետ սահմանին վիճահարույց պատի կառուցմանը:
Մինչդեռ նախատեսված էր, որ այդ գումարային միջոցներն ուղղվելու են թմրանյութերի դեմ պայքարին, ռազմական օբյեկտների կառուցմանը, ինչպես նաև իրավապահ մարմինների ամրապնդմանը:
Նահանգների իշխանությունների համոզմամբ՝ Թրամփի վարչակազմն ակնհայտորեն պաշտոնական դիրքի չարաշահում է թույլ տվել: