Պուտինը Time-ի շապիկին. այս անգամ աշխարհը գրավելու խորհրդավոր ծրագրով

Ամերիկյան Time ամսագրի նոր շապիկին Վլադիմիր Պուտինն է` Երկիր մոլորակի վրա հենված: Իսկ Երկիր մոլորակի վրա դրված են աշխարհագրական տեղանշումներ՝ կարմիր աստղերով:

Շապիկին` որպես գլխագիր, գրված է հետևյալը. «Ռուսաստանի նոր գաղտնի ծրագիրը: Վլադիմիր Պուտինը ցանկանում է իր ազդեցությունը տարածել ոչ միայն ընտրությունների վրա»:

Ամսագրի համապատասխան հոդվածում արդեն նշվում են այն բոլոր մեղադրանքները, որոնք մինչ այդ բազմիցս հնչել են: Մասնավորապես ասվում է, որ Ռուսաստանը ձգտում է բռնապետների համաշխարհային համակարգ ստեղծել և միջամտում է մյուս պետությունների ընտրություններին:

Նշենք, որ Time ամսագրի շապիկին Պուտինի մասնակցությամբ իլյուստրացիաներ մինչ այս նույնպես եղել են: