Ոստիկանները «բերման են ենթարկել» գերեզմանատանը շրջող այծին
Ամերիկյան Նյու Ջերսի նահանգի ոստիկանությունը արտասովոր դեպք է պատմել, որը տեղի է ունեցել ուրբաթ գերեզմանատանը. առավոտյան նրանք բերման են ենթարկել գերեզմանատանն անվրդով զբոսնող այծին, հաղորդում է UPI-ը:
Ռինջվուդի ոստիկանական բաժանմունքը պատմել է, որ դեպքը տեղի է ունեցել 08:15-ին, եւ սպաները որոշել էին, որ կենդանուն տեղափոխել էին այդտեղ արկղի մեջ, որը հայտնաբերվել էր մոտակայքում:
«Համաձայնեք, որ ամեն օր չես հանդիպի այծի, որը զբոսնում է գերեզմանոցում»,-ասել է լեյտենանտ Գլեն Էնդերը New Jersey Record-ին:
Ոստիկանությունն անմիջապես առաջ է քաշել վարկածը, որ կենդանուն բերել էին գերեզմանատուն զոհաբերության արարողություն կատարելու նպատակով:
Արդյունքում, դժբախտ կենդանին տեղափոխվել է կենդանիների հսկողության կենտրոն: