Քաղաքական կլիման բարդացնում է միջազգային առեւտրի ազատականացումը. ԱՀԿ
Առեւտրի համաշխարհային կազմակերպությունը «բարդ» ու «դժվար» ճանապարհ է տեսնում միջազգային առեւտրի ազատականացման հարցում՝ կապված ներկա քաղաքական կլիմայի հետ, տեղեկացնում է AP-ը։
ԱՀԿ գլխավոր տնօրեն Ռոբերտո Ազեւեդոն ասել է, որ համոզված է, որ Մեքսիկան եւ Միացյալ Նահանգները կարող են լուծել իրենց ընթացիկ առեւտրային դժվարությունները, որոնց մեջ են ԱՄՆ սահմանը փակելու սպառնալիքը եւ ԱՄՆ-Մեքսիկա-Կանադա դեռեւս սպասվող առեւտրային համաձայնագրի վավերացումը։ Բայց պայքարը հանուն ազատ առեւտրի ընդլայնման «լինելու է դժվար, բարդ, նախեւառաջ քաղաքական պայմանների պատճառով, որոնք մենք այսօր ունենք արդի աշխարհում»,- նշել է նա։