ԱՄՆ Կոլորադո նահանգում 2019թ. ապրիլը հռչակվել է «Ցեղասպանության իրազեկման ամիս»
ԱՄՆ Կոլորադո նահանգի մարզպետ Ջերեդ Պոլիսը ստորագրել է ապրիլը «Ցեղասպանության իրազեկման ամիս» դարձնելու մասին հռչակագիրը:
Փաստաթղթում նշվում է, որ Կոլորադո նահանգի բնակիչները հիշում են և դատապարտում 20-րդ դարի ընթացքում հայերի, հրեաների, կամբոջիացիների, բոսնիացիների և ռուանդացիների նկատմամբ կատարված ցեղասպանությունները, ինչպես նաև 21-րդ դարի ցեղասպանությունները ՝դարֆուրիցներինը Սուդանում, ռոհինյա ժողովրդինը Մյանմարում, քրիստոնյաների և եզդի ժողովրդի դեմ կատարվող հանցագործությունները Միջին Արևելքում:
Հռչակագիրը վերահաստատում է ցեղասպանությունների վերաբերյալ իրազեկման կարևորությունը և կոչ է անում մեղավորներին ճանաչել մարդկայնության դեմ կատարված հանցագործությունները: