Ռեալը մտադիր է բարձրացնել Վարանի տարեկան աշխատավարձը

«Ռեալի» ղեկավարությունը մտադիր է թիմում պահել պաշտպան Ռաֆայել Վարանին, հայտնում է AS-ը:

Աղբյուրի փոխանցմամբ, «Արքայական ակումբում» դիտարկում են 25-ամյա ֆուտբոլիստի հետ նոր պայմանագիր կնքելու տարբերակը` տարեկան մինչև 9 մլն եվրո աշխատավարձով:

Ընթացիկ մրցաշրջանում Վարանը «Ռեալի» կազմում 36 հանդիպման է մասնակցել և դարձել է 2 գոլի հեղինակ:

Գործող պայմանագրով, որը նախատեսված է մինչև 2022 թվականը, ֆրանսիացին տարեկան 6 մլն եվրո է ստանում:

Նա «Ռեալ» է տեղափոխվել 2011 թվականին ֆրանսիական «Լանս» ակումբից»: Վարանի տրանսֆերի համար մադրիդցիները 10 մլն եվրո են վճարել:

Ավելի վաղ տեղեկություն էր տարածվել այն մասին, որ ֆուտբոլիստի ծառայություններով հետաքրքրված են ՊՍԺ-ը, «Յուվենտուսը» և «Մանչեսթեր Յունայթեդը», իսկ անձամբ Վարանը նույնպես դեմ չէ «Սանտյագո Բեռնաբեուից» հեռանալուն և թիմը փոխելուն: