Չեմպիոնների լիգայի ֆավորիտները․ Յուրգեն Կլոպի տարբերակը

Անգլիական «Լիվերպուլի» գերմանացի գլխավոր մարզիչ Յուրգեն Կլոպը նշել է Չեմպիոնների լիգայի հիմնական ֆավորիտներին։

«Չեմպիոնների լիգայում հիմա կա երեք գլխավոր ֆավորիտ՝ «Բարսելոնա», «Յուվենտուս» եւ «Մանչեսթեր Սիթի»։ Ես կարծում եմ Գվարդիոլայի գլխավորած թիմը կարող է նվաճել չորս տիտղոսներն էլ այս մրցաշրջանում։ Տպավորություն է, որ այդ եռյակից ամենակայունը «Մանչեսթեր Սիթին» է»,- Կլոպի խոսքը մեջբերում է Goal.com-ը։

Հիշեցնենք, որ «Մանչեսթեր Սիթին» այս մրցաշրջանում նվաճել է Անգլիական լիգայի գավաթը, Անգլիայի գավաթի խաղարկության կիսաեզրափակիչում կմրցի «Բրայթոնի», իսկ Չեմպիոնների լիգայի քառորդ եզրափակիչում՝ «Տոտենհեմի» հետ, Անգլիայի Պրեմյեր լիգայում էլ 80 միավորով առաջատարն է եւ 1 միավոր առաջ է «Լիվերպուլից»։