Փարիզի շքեղ հյուրանոցներից մեկում գողություն է կատարվել
Փարիզի շքեղ հյուրանոցներից մեկում գողություն է կատարվել։ Ինչպես հայտնում է BBC-ն, գողերը տարել են 350 000 եվրոյի զարդեր եւ հագուստ։
Ոչ ոք չի տուժել, գողերը հեռացել են ավտոմեքենայով, որն ավելի ուշ այրված հայտնաբերվել է ճանապարհներից մեկի վրա։
Փարիզի եւ ֆրանսիական այլ խոշոր քաղաքների հյուրանոցները նախկինում էլ եղել են գողերի թիրախում։
4,5 մլն եվրո արժողությամբ թանկարժեք իրեր էին գողացել անցյալ տարի Ritz հյուրանոցի խանութից, թեեւ հետագայում գողերին հաջողվել էր բռնել։ 2013թ․ զինված տղամարդը 40 մլն եվրո արժողությամբ թանկարժեք իրեր էր գողացել Կաննում հյուրանոցի ցուցահանդեսից։