Թրամփը Մեքսիկային մեկ տարի է տվել՝ անօրինական թմրանյութերի եւ փախստականների հոսքը կանգնեցնելու համար
ԱՄՆ նախագահ Դոնալդ Թրամփը Մեքսիկային մեկ տարի է տվել, որպեսզի նա կանգնեցնի հարավային սահմանով անօրինական թմրանյութերի եւ փախստականների հոսքը։ Եթե երկիրը չկարողանա լուծել այդ խնդիրները, ԱՄՆ-ը տուրքեր կսահմանի ավտոմեքենաների ներկրման համար, իսկ եթե դա էլ չօգնի, կփակի սահմանը՝ հայտնում է CNBC-ն։
«Դուք գիտեք՝ ես կանեմ դա։ Ես խաղեր չեմ խաղում, մենք կանենք դա, որպեսզի կանգնեցնենք մարդկանց։ Մենք նրանց մեկ տարի կտանք․․․»,- ասել է նա։
«Մենք ողջունում ենք մեքսիկական սահմանը չփակելու նախագահի որորշումը։ Կոնգրեսը եւ նախագահը պետք է օգտվեն այդ հնարավորությունից, որպեսզի սահմանների անվտանգության եւ ներգաղթի ոլորտներում բարեփոխում անցկացվի»,- հինգշաբթի օրն իր հայտարարությունում ասել է ԱՄՆ Առեւտրային պալատի փոխնախագահ Նիլ Բրեդլին։