20 հազար դոլար պարգեւավճար՝ 2 ամիս անշարժ պառկելու դիմաց
Facebook Twitter Google NASA-ն եւ Եվրոպական տիեզերական գործակալությունը հավաքագրում է կամավորների, որոնք կցանկանան մասնակցել մի գիտափորձի, որի ընթացքում նրան երկու ամիս անշարժ պառկելու են։ Ինչպես հայտնում է TACC-ը, գիտափորձին մասնակցության համար խոստանում են 20 հազար դոլարի պարգեւավճար։ Մասնակցության համար արդեն ստացվել է 1300 կամավորի հայտ։ Փորձարկումը նախատեսում է 15 օրվա նախապատրաստություն եւ 60 օրվա բուն փորձարկում, որի ընթացքում կամավորները պարզապես պառկելու են անշարժ, իսկ հետո կրկին 14 օրվա վերականգնողական շրջան է լինելու։ Այդ ընթացքում գիտնականները ուսումնասիրելու են անկշռության ազդեցությունը մարդու օրգանիզմի վրա։ Հաղորդման մեջ նշվում է, որ ընտրվելու են 24 մասնակիցներ, որոնք ընտրվելու են մի քանի փուլից բաղկացած ընտրական պրոցեսի արդյունքում։