Թուրքիան ավիահարված է հասցրել Իրաքում քրդերի դիրքերի ուղղությամբ
Թուրքիայի ռազմաօդային ուժերը մասշտաբային ավիահարված են հասցրել «Քրդստանի բանվորական կուսակցության» դիրքերին: Այս մասին հաղորդում է «ՌԻԱ Նովոստի» լրատվական գործակալությունը:
«Pençe օպերացիայի ժամանակ Թուրքիայի ռազմաօդային ուժերը հարված են հասցրել Իրաքի հյուսիսում գտնվող «Քրդստանի բանվորական կուսակցություն» ահաբեկչական կազմակերպության թաքստոցների և բունկերների ուղղությամբ: Այնտեղ էին ահաբեկչական կազմակերպության ղեկավարները, որոնք հարձակում էին նախապատրաստում թուրքական բանակի սահմանապահ զորքերի ուղղությամբ»,- ասված է հաղորդագրության մեջ:
Թուրքիայի պաշտպանության նախարարության տվյալներով՝ 2015 թվականից մինչ օրս թուրքական անվտանգության ուժերը չեզոքացրել են քրդական կուսակցության ավելի քան 10 հազար անդամի: