Զելենսկիի շտաբը նախագահական ընտրությունների ժամանակ քվեների զուգահեռ հաշվարկ կիրականացնի
Ուկրաինացի շոումեն, նախագահական մրցապայքարը գլխավորող Վլադիմիր Զելենսկիի թիմը ընտրությունների ժամանակ քվեների զուգահեռ հաշվարկ կիրականացնի, գրում է ria.ru-ն՝ շրջաններում շտաբի համակարգող Ալեքսանդր Կորնիենկոն հղումով:
«Մենք քվեների զուգահեռ հաշվարկ կիրականացնենք և օպերատիվ կերպով այդ մասին տեղեկություններ կհաղորդենք: Մեր նպատակն է հնարավորինս նվազեցնել այն պահից, երբ տեղամասում կհնչեն քվեների հաշվարկի արդյունքում ստացված և բարձր արտասանված թվերը, մինչև այն պահն ընկած ժամանակը, երբ արդյունքների մասին կիմանա ողջ Ուկրաինան»,- ասել է Կորնիենկոն մամուլի ասուլիսի ժամանակ:
Հիշեցնենք, որ Ուկրաինայում նախագահական ընտրությունները կանցկացվեն այս կիրակի՝ մարտի 31-ին: Երկրի ղեկավարի պաշտոնին 39 թեկնածու է հավակնում: Սոցհարցումների համաձայն՝ Զելենսկին գլխավորում է մրցապայքարը. ընտրություններից մեկ շաբաթ առաջ նրա վարկանիշը գերազանցել է 30%-ը:
Երկրի գործող նախագահ Պյոտր Պորոշենկոյի օգտին պատրաստ է քվեարկել հարցվածների 17, իսկ «Հայրենիք» կուսակցության ղեկավար Յուլիա Տիմոշենկոյի օգտին՝ 12,5%-ը: