ԵՄ-ում կհրաժարվեն ձմեռային եւ ամառային ժամանակներին անցումից

Եվրամիությունը քվեարկել է ձմեռային եւ ամառային ժամանակին ամենամյա անցումները 2021թ․ հանելու դեմ։ Ստրասբուրգում այդ որոշման օգտին են քվեարկել 410 պատգամավորներ, դեմ են եղել 192-ը, ձեռնպահ՝ 51-ը՝ հայտնում է DW-ն։

Ի սկզբանե Եվրահանձնաժողովը ենթադրում էր, որ որոշումն ուժի մեջ կմտնի այս տարի, քանի որ հարցման համաձայն, Եվրամիության քաղաքացիների մեծամասնությունը դրա կողմնակիցն է։ Այնուամենայնիվ, 2018թ․ դեկտեմբերին ԵՄ անդամ երկրների իշխանությունները հասկացրել են, որ իրենց նախապատրաստվելու համար ավելի շատ ժամանակ է հարկավոր, որպեսզի խուսափեն «Եվրոպայում տարբեր ժամային գոտիների» հետ կապված խառնաշփոթից։

Հաստատված գրաֆիկի համաձայն, ԵՄ երկրները Եվրահանձնաժողովին պետք է մինչեւ 2020 թվականը հայտնեն, թե որ ժամանակին՝ ամառայի՞ն, թե՞ ձմեռային, պետք է հետեւեն իրենց տարածքում։

2021թ․ ժամացույցի սլաքները վերջին անգամ 60 րոպե առաջ կտրվեն՝ ամառային ռեժիմի համաձայն։ Խառնաշփոթից խուսափելու համար պետությունները պետք է օգտագործեն միջանկյալ ժամանակահատվածը, որպեսզի հարեւան երկրների հետ համաձայնեցնեն իրենց որոշումը եւ ընդհանուր հայտարարի գան։