Նոր Զելանդիայի իշխանություններն արգելել են երկրի տարածքում կիսաավտոմատ մարտական զենքերի վաճառքն ու գործածումը
Նոր Զելանդիայի իշխանությունները կիսաավտոմատ մարտական զենքի բոլոր տեսակների վաճառքն ու գործածումն արգելող օրենք են ընդունել, գրում է BBC-ն: Արգելքի մասին քննարկումները սկսվել են Քրայսթչերչ քաղաքում տեղի ունեցած ահաբեկչական հարձակումից 72 ժամ անց:
«Մեր պատմությունն առհավետ փոխվեց: Այժմ օրենքները նույնպես պետք է փոխվեն»,- հայտարարել է Նոր Զելանդիայի վարչապետ Ջասինդա Արդերնը՝ հավելելով, որ նման զենք կրողների համար դրանք ոստիկանությանը փոխանցելու նպատակով անցումային միջոցներ կձեռնարկվեն:
Արգելքը կտարածվի նաև բաղադրիչների ու բարձր տարողությամբ փամփուշտներ վաճառող խանութների վրա: Ոստիկանության նախարար Սթյուարտ Նեշի խոսքով՝ ոստիկանության և անվտանգության ուժերի համար կարող են որոշ բացառություններ լինել: Կփոխվեն նաև կիսաավտոմատ զենք կրելու արտոնագրի տրամադրման պահանջները:
Նախատեսվում է, որ արգելքի մասին օրենքն ուժի մեջ կմտնի ապրիլի 11-ին:
Հիշեցնենք, որ մարտի 15-ին նորզելանդական Քրայսթչերչ քաղաքում մահմեդականների դեմ ուղղված ահաբեկչությունը 50 մարդու կյանք էր խլել: Ահաբեկչության համար ձերբակալված Բրենթոն Տարանտն իր արարքը բացատրել է Արևմուտքում ահաբեկչություն իրականացնող իսլամիստների դեմ վրեժխնդրությամբ:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին