Ավստրալիայի վարչապետը Թուրքիայի դեսպանին կկանչի Էրդողանի հայտարարության պատճառով
Ավստրալիայի վարչապետ Սքոթ Մորիսոնը հայտարարել է Թուրքիայի դեսպանին կանչելու մտադրության մասին, քանի որ վիրավորական է համարում Թուրքիայի նախագահ Ռեջեփ Թայիփ Էրդողանի հայտարարությունը, որը նա կատարել էր Նոր Զելանդիայում մզկիթներում իրագործված ահաբեկչություններից հետո, փոխանցում է «ՌԻԱ Նովոստի»-ն:
«Ես, բնականաբար, անչափ վիրավորական մեկնաբանություն եմ համարում եւ այսօր կկանչեմ թուրք դեսպանին՝ հանդիպում անցկացնելու եւ այս հարցերը քննելու համար»,- հայտարարել է նա ավստրալական ABC հեռուստաալիքին:
Ավելի վաղ թուրք առաջնորդը հայտարարել էր, որ Թուրքիայում ավստրալացիները, որոնք հակամուսուլմանական հայացքներ ունեն, կկրկնեն իրենց նախնիների ճակատագիրը, որոնք Գալիպոլիի (Չանաքալեի) ճակատամարտից հետո Թուրքիայի տարածքը լքեցին «դագաղներում»:
Հիշեցնենք, որ ուրբաթ Նոր Զելանդիայում Քրայսթչերչի 2 մզկիթներում տեղի էր ունեցել հրաձգություն, որի հետեւանքով զոհվել էր 50 մարդ, եւս 50-ը՝ տուժել: Նոր Զելանդիայի վարչապետը տեղի ունեցածը ահաբեկչություն էր անվանել: Մեկ մարդու՝ 28-ամյա Բրենթոն Տարանտին սպանության մեղադրանք էր առաջադրվել, շաբաթ դատարանը նրա կալանքի ժամկետը երկարացրել էր մինչեւ ապրիլի 5-ը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին