Ինքնաթիռը հետ է վերադարձել՝ ուղեւորներից մեկի երեխային մոռացած լինելու պատճառով
Սաուդյան Արաբիայում Saudi Arabian Airlines ավիաընկերությանը պատկանոց օդանավը հետ է վերադարձել Ջիդդայի օդանավակայան օդ բարձրանալուց հետո, երբ պարզվել է, որ ուղեւորներից մեկի երեխային ծնողները մոռացել են օդանավակայանում։ Այս մասին հայտնում է «Աքբար 24» լրատվական կայքը։ Կայքը հրապարակել է ինքնաթիռի հրամանատարի եւ դիսպետչերական կենտրոնի բանակցությունների ձայնագրությունը, որտեղ լսվում է, թե ինչու է ինքնաթիռը ցանկանում հետ վերադառնալ։ Ըստ այդմ, հրամանատարը ասում է, որ ուղեւորներից մեկը իր մանկահասակ երեխային մոռացել է օդանավակայանում։ Կայքը չի պարզաբանել, է թափթփված ուղեւորը որոշակի պատասխանատվության ենթարկվել է արդյոք, թե ոչ։