77 մլն դոլար. Նյու Յորքում ավելի քան 1 տոննա կոլումբիական կոկաին է առգրավվել (լուսանկարներ)
Նյու Յորքում առգրավվել է ավելի քան 1 տոննա քաշով, «սև շուկայում» 77 մլն դոլար արժողությամբ կոլումբիական կոկաին, որը նավով պետք է Ռոտերդամ և Լոնդոն հասներ:
Ինչպես նշում է Daily Mail-ը, սա վերջին 25 տարում կոկաինի առգրավման խոշորագույն դեպքերից է:
Թմրանյութն առգրավվել է Նյու Յորքի նավահանգստում՝ փետրվարի 28-ին:
Նավը, որում հայտնաբերվել է կոկաինը, եկել էր Կոլումբիայից: Այն բարձված է եղել հարյուրավոր կոնտեյներներով, որոնցից մեկում էլ եղել են թմրանյութով տոպրակները՝ յուրաքանչյուրում 20-25 կգ կոկաին:
Սկզբում նավը պետք է հասներ Նիդեռլանդներ, հետո՝ Մեծ Բրիտանիա:
