Իտալիայի փոխվարչապետը La Scala-ին կոչ է արել մերժել Սաուդյան Արաբիայի առաջարկը
Իտալիայի փոխվարչապետ Մատեո Սալվինին Միլանի օպերային La Scala թատրոնին կոչ է արել մերժել դրամական միջոցներ ներդնելու Սաուդյան Արաբիայի առաջարկը։
Reuters-ը հայտնում է, որ Սաուդյան Արաբիայի մշակույթի նախարարությունը 15 մլն եվրոյի հնգամյա համագործակցության պայմանագիր է առաջարկել La Scala-ին։
Այդ առաջարկությունը աղմուկ է բարձրացրել իրավապահ խմբավորումների եւ որոշ քաղաքական գործիչների շրջանում, որոնք պնդում են, որ Իտալիայի ամենահարգարժան մշակութային հաստատություններից մեկը պետք է հրաժարվի բազմիցս իրավունքների խախտման մեջ մեղադրված պահպանողական մուսուլմանական թագավորություն Սաուդյան Արաբիայի փողերից։
Սալվինին ասել է, թե չի ուզում, որ այդ գործընկերությունը տեղի ունենա, ապա հավելել է․ «Եթե շվեյցարացիները ցանկանան La Scala-ում ներդրում կատարել, խնդիր չի լինի»։