96 օր տևած պատարագից հետո լուծվել է եկեղեցում ապաստանած հոլանդահայ ընտանիքի հարցը
Նիդեռլանդների իշխանությունը որոշել է ապաստան տալ հայկական ընտանիքին, որը թաքնվում էր եկեղեցիներից մեկում Հայաստան արտաքսվելուց խուսափելու համար։ Նրանք կկարողանան լիարժեք բնակություն հաստատել այդ երկրում։ Այս մասին հայտնում է տեղական մամուլը։
Թամրազյանների ընտանիքի վերաբերյալ որոշում էր կայացվել նրանց արտաքսել Հայաստան, քանի որ նրանց այստեղ վտանգ չի սպառնում, սակայն ընտանիքը դեմ է եղել այդ որոշմանն ու ապաստանել ե եկեղեցում։ Պատճառն այն է, որ Նիդեռլանդներում գործող օրենքների համաձայն՝ ոստիկանությունը չի կարող ներխուժել եկեղեցի, քանի դեռ այնտեղ ծես է կատարվում։
Եկեղեցու սպասավորներն էլ աջակցել են ընտանիքին ու արդեն 96 օր անընդհատ, անդադար ծես են իրականացրել, որ ոստիկանությունը չկարողանա մտնել այնտեղ, մինչև իշխանությունները վերջնականապես որոշել են ընտանիքին թույլ տալ մնալ երկրում։