Գուաիդոն հայտարարել է, որ Ճապոնիան և Գերմանիան երկրում էներգետիկ ճգնաժամը հաղթահարելու հարցում օգնելու պատրաստակամություն են հայտնել
Իրեն Վենեսուելայի ժամանակավոր նախագահ հռչակած Խուան Գուաիդոն հայտարարել է, որ Ճապոնիան և Գերմանիան երկրում էներգետիկ ճգնաժամը հաղթահարելու հարցում օգնելու պատրաստակամություն են հայտնել, գրում է gazeta.ru-ն:
Նրա խոսքով՝ ինքն արդեն հավաքել է փորձագետներից բաղկացած խումբ, որը զբաղվում է ճգնաժամի խորացման հետ կապված դիտարկումներով:
Գուաիդոն պնդում է, որ Վենեսուելայում էլեկտրաէներգիայի զանգվածային անջատումների մեղավորը երկրի գործող իշխանություններն են:
Վենեսուելայի մայրաքաղաք Կարակասը և մի շարք նահանգներ հոսանքազրկվել էին հինգշաբթի երեկոյան: Նշվում էր, որ էլեկտրաէներգիայի անջատումներ են եղել երկրի մոտ 23 նահանգներում: Մայրաքաղաքի բնակիչների խոսքով` այդքան երկար ժամանակով Կարակասում հոսանքը երբեք չի անջատվել:
Ավելի վաղ Վենեսուելայի գործող նախագահ Նիկոլաս Մադուրոն հայտնել էր, որ ամերիկացի «իմպերիալիստները» Վենեսուելային «էներգետիկ պատերազմ» են հայտարարել: