Հունաստանի քաղաքացին փրկվել է` երկու րոպե ուշանալով եթովպիական ինքնաթիռից
Հունաստանի քաղաքացի Անտոնիոս Մավրոպոլուլոսի կյանքը փրկել է ճակատագրական թռիչքից ընդամենը երկու րոպե ուշացումը: Նա նույնպես պետք է լիներ Եթովպիայում կործանված Boeing 737 ինքնաթիռում, РЕН ТВ-ի փոխանցմամբ` հայտնում է Greek Reporter-ը:
Աղբյուրի հաղորդմամբ` Անտոնիոսը պատմել է, որ տեսել է, թե ինչպես են մյուս ուղևորներն ինքնաթիռ նստում, սակայն իրեն թույլ չեն տվել ինքնաթիռ մտնել, քանի որ ուշանալու պատճառով չէր հասցրել հանձնել ուղեբեռը:
Ավիավթարից հետո ոստիկանությունը ձերբակալվել է նրան, որովհետև նա միակն էր, ով չէր մեկնել այդ չվերթով:
«Իմ և ավիավթարի միջև որևէ տրամաբանական կապ չէր կարող լինել, քանի որ իմ ուղեբեռն ինձ հետ է եղել, և հենց այդ է պատճառը, որ ինձ երկար չհարցաքննեցին»,- ասել է Մավրոպոլուլոսը` ոստիկանական բաժանմունքից դուրս գալուց հետո:
Հիշեցնենք, որ կիրակի առավոտյան Եթովպիայի Դեբրե-Զեյթ քաղաքի մոտակայքում վթարի է ենթարկվել Ադիս Աբեբայից Նայրոբի թռչող «Ethiopian Airline» ավիաընկերության Boeing-737 ինքնաթիռը, որում եղել է 157 մարդ` 35 երկրի քաղաքացիներ: