Պայթյուն ռուսական զորամասի մոտ
Ռուսաստանի Լենինգրադի մարզի Վագանովո գյուղում, այդ վայրում տեղակայված զորամասի հարեւանությամբ ռումբ է պայթել։ Այս մասին հայտնում է ռուսական «Լենտան»։ Ռումբը եղել է ինքնաշեն։
Համաձայն հրապարակման, զինվորականներից մեկը զորամասի տարածքի շրջափակից դուրս, հսկիչ անցագրային կետի մոտ հայտնաբերել է մետաղական լուսարձակ։ Զինվորականը վերցրել է այն, ու դեն նետել, եւ դեն նետելուց գրեթե կես րոպե անց պայթյուն է որոտացել։
Բարեբախտաբար տուժողներ չեն եղել։ Դեպքի վայր են ժամանել սակրավորներ եւ հատուկ ծառայությունների աշխատակիցներ։ Պարզվել է, որ 40 սմ-անոց լուսարձակը ականապատված է եղել։ Հարուցվել է քրեական գործ։ Կատարվում է քննություն։