Եթովպիայում աղետի է ենթարկվել մարդատար օդանավ
Եթովպիական ավիաուղիներին պատկանող Boeing 737-ը Եթովպիայում կործանվել է այսօր առավոտյան: Այս մասին տեղեկացնում ենք երկրի վարչապետ Աբի Ահմեդի թվիթից:
Վարչապետը տեղեկացրել է ողբերգության մասին և ցավակցել զոհերի ընտանիքներին ու հարազատներին:
Կանոնավոր չվերթի ինքնաթիռը ուղևորվում էր դեպի Նայրոբի: Նախնական տվյալներով օդանավում կային 149 ուղևորներ և անձնակազմի 8 անդամներ:
Տեղեկատվություն կա, որ դա նոր՝ Boeing 737 MAX 8 օդանավ էր, որն ավիաընկերությունը ստացել էր մի քանի ամիս առաջ: Թռիչքներին հետևելու օնլայն
Flightradar24 համակարգի համաձայն՝ ինքնաթիռն ընկել է թռիչքից 6 րոպե հետո՝ Ադիս Աբեբայից 50 կիլոմետր հեռավորության վրա: