ԱՄՆ-ը զգուշացրել է, թե ինչ է սպասվում Թուրքիային ռուսական S-400 համակարգերի ձեռքբերման դեպքում
Եթե Թուրքիան Ռուսաստանից գնի S-400 զենիթահրթիռային համակարգեր, ապա դա «լուրջ հետևանքներ կառաջացնի» Վաշինգտոնի և Անկարայի միջև ռազմական հարաբերություններում: Այդ մասին լրագրողների հետ զրույցում հայտարարել է ԱՄՆ պաշտպանության նախարարության մամուլի քարտուղար Չարլզ Սամերսը, հաղորդում է Газета-ն:
Աղբյուրի փոխանցմամբ` Սամերսը նշել է, որ Թուրքիայի կողմից ռուսական S-400-ների ձեռքբերումը կանդրադառնա Անկարային ամերիկյան զենիթահրթիռային Patriot համակարգեր և հինգերորդ սերնդի F-35s մատակարարելու գործընթացի վրա:
«Նրանք չեն ստանա ոչ F-35, ոչ Patriot»,- ասել է Պենտագոնի մամլո քարտուղարը: