Մոսկվայի ռեստորաններից մեկում հրդեհ է բռնկվել, տարհանվել է մոտ 100 մարդ
Ռուսաստանի մայրաքաղաք Մոսկվայի ռեստորաններից մեկում այսօր հրդեհ է բռնկվել, տարածքից տարհանվել է շուրջ 100 մարդ, այս մասին տեղեկացնում է «Москва» լրատվական գործակալությունը՝ հղում անելով արտակարգ իրավիճակների ծառայության իր աղբյուրին:
Հայտնի է, որ միջադեպը տեղի է ունեցել մետրոյի «Տռուբնայա» կայարանի մոտակայքում, ռեստորանի անունը չի նշվում:
«Տարհանվել է 100 մարդ», - նշել է գործակալության զրուցակիցը:
Ըստ վերջին տվյալների՝ հրդեհը բռնկվել է խոհանոցում՝ յուղային կուտակումների բռնկման պատճառով:
Այլ մանրամասներ չեն հաղորդվում: