Եվրախորհրդարանում տեղի է ունեցել կոնֆերանս՝ նվիրված հայատյացությանը
Եվրախորհրդարանում մարտի 6-ին տեղի է ունեցել հայատյացությանը նվիրված կոնֆերանս։
Միջոցառումը կազմակերպվել էր Եվրախորհրդարանի անդամ Էլենի Թեոխարուսի, Հանուն արդարության եւ դեմոկրատիայի եվրոպական հայկական ֆեդերացիայի եւ Թուֆենկյան հիմնադրամի կողմից։
Կոնֆերանսին որպես հատուկ հյուր հանդես եկավ Արցախի Հանրապետության Ազգային ժողովի նախագահ Աշոտ Ղուլյանը։
Կոնֆերանսում գիտական շրջանակների ներկայացուցիչները, այդ թվում՝ պատմաբաններ, քաղաքագետներ, լրագրողներ եւ իրավապաշտպաններ, խոսեցին Ադրբեջանում եւ Թուրքիայում հայատյացության ծագման եւ արդի դրսեւորումների մասին։
Մասնակիցները խոր անհանգստություն հայտնեցին ողջ աշխարհի հայերի հանդեպ ատելության հրահրման հետեւանքների առումով։
«Հայ դատի» գրասենյակի նախագահ Կասպար Կարամպետյանի խոսքով՝ ԵՄ համապատասխան մարմինները, մասնավորապես՝ ԵՄ մարդու իրավունքների հատուկ ներկայացուցիչը, պետք է Թուրքիային եւ Ադրբեջանին կոչ անեն դադարեցնել հակահայկական տրամադրությունների հրահրումը։
«Հայերը խաղաղասեր մարդիկ են՝ հաստատուն սկզբունքներով եւ բոլորի հետ համագոյակցելու ունակությամբ»,- հայտարարել է Եվրախորհրդարանի պատգամավոր Թեոխարուսը:
Աշոտ Ղուլյանի խոսքով՝ «այլատյացությամբ թունավորված հասարակությունը երբեք եւ ոչ մի պարագայում չի կարող ունիվերսալ արժեք ստեղծել»:
Իրավապաշտպան Ռագիփ Զարաքօղլուն, իր հերթին, նշել է ներկայումս Թուրքիայում հայերի հանդեպ ատելության մակարդակի մասին:
Միջոցառմանը մասնակցել են նաեւ Արցախի մարդու իրավունքների պաշտպան Արտակ Բեգլարյանը, Արցախի նախկին օմբուդսմեն Ռուբեն Մելիքյանը, բլոգեր Ալեքսանդր Լապշինը, լեհ հայագետ Յակուբ Օշիեցկին:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը