Ուզբեկստանի առաջին նախագահի դուստրը տնային կալանքի պայմանները խախտելու համար տեղափոխվել է կալանավայր
Ուզբեկստանի առաջին նախագահ Իսլամ Քարիմովի դուստրը՝ Գյուլնարա Քարիմովան, որը մինչ այս գտնվում էր տնային կալանքի տակ, տեղափոխվել է կալանավայր: Պատճառը պատժի կրման պայմանների պարբերական խախտումներն են, որոնք թույլ էր տալիս Քարիմովան, գրում է «ՌԻԱ Նովոստի» գործակալությունը:
Նշվում է, որ նախկին նախագահի դստերն արգելված էր լքել բնակարանի տարածքը և օգտվել համացանցից կամ կապի այլ միջոցներից: Սակայն Քարիմովան անընդհատ խախտել է դատարանի սահմանած սահմանափակումները:
Հայտնի է, որ Գյուլնարա Քարիմովան դատապարտվել էր 5 տարվա ազատազրկման 2015 թվականի օգոստոսին. նրան մեղավոր էին ճանաչել դրամային շորթումների ու հարկերից խուսափելու համար: 2018 թվականին դատարանն ազատազրկումը փոխարինել է 5 տարվա տնային կալանքով: Ըստ որոշման՝ Քարիմովան պետք է տնային կալանքի տակ մնար իր դստեր գրանցման հասցեում:
Այն ժամանակ դատարանից հայտնել էին, որ դատավճիռը փոփոխության են ենթարկել «մարդասիրական նկատառումներով», բացի այդ, Քարիմովան պարտավորվել էր փոխհատուցել պետությանը հասցված վնասը:
Ավելի ուշ նրա որդին ու դուստրը հայտարարություններ էին տարածել քննչական մարմինների կողմից իրենց մոր նկատմամբ ճնշման գործադրման և անգամ առևանգման մասին: Գլխավոր դատախազությունը, սակայն, հերքել էր այդ պնդումները:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը