ՔԿՀ-ի բանտարկյալները, որոնց պետք է սաստեր Օրենքով գող Սախնոն, համացանցի աստղ են դարձել (Տեսանյութ)

Նիժնի Տագիլի թիվ 12 ՔԿՀ-ում նկարահանված մի տեսանյութ է հրապարակվել YouTube-ում: Այդ ՔԿՀ-ում է այժմ իր պատիժը կրում քրեական աշխարհում Սախնո անունով հայտնի Էդուարդ Սախնովը:

Տեսանյութում 2 բանտարկյալներ կատարում են հոլանդացի սաքսոֆոնահարուհի Քենդի Դյուֆլերի եւ բրիտանացի կիթառահար Դեյվ Ստյուարտի  Lily Was Here ստեղծագործությունը, սակայն սաքսոֆոնի փոխարեն հնչում է բայան, իսկ ակուստիկ կիթառի փոխարեն՝ էլեկտրական կիթառ: Երաժիշտների խոսքերով, նրանք մեկ ամիս են պատրաստվել ելույթի համար: 

Հատկանշական է, որ այս ՔԿՀ-ում իրենց պատիժն են կրում ծանր եւ հատկապես ծանր հանցագործություններ կատարածները: Օրենքով գող Սախնոն այդ ՔԿՀ է ուղարկվել այս հունվարին: Ավելի վաղ ասվում էր, որ այս հաստատությունում ավելացել են բռնության դեպքերը եւ քրեական աշխարհում հայտնի մարդու այնտեղ հայտնվելը կհանդարտեցնի կրքերը: 

Էդուարդ Սախնոն վերջին անգամ դատապարտվել է 22 տարի ժամկետով:

Top-News.am