Ուկրաինայում քաղաքապետը գնացել է իր իսկ դեմ կազմակերպված բողոքի ցույցին ու անճանաչելի մնացել
Ուկրաինայի Ժիտոմիրի մարզի Օլևսկ քաղաքի քաղաքապետ Օլեգ Օմելչուկը գնացել է իր դեմ կազմակերպված բողոքի ակցիային: Ի դեպ, ցույցի մասնակիցներից և ոչ մեկը չի ճանաչել նրան, գրում է obozrevatel.com-ը:
Քաղաքապետի լուսանկարն ակցիայի անցկացման վայրից Twitter-ում հրապարակել է լրագրող Տարաս Օլեյնիկը: Լուսանկարում պատկերված է Օմելչուկը՝ ձեռքին պաստառ, որի վրա գրված է «Քաղաքապետն իր համախոհների հետ ոտնահարում է քաղաքացիների իրավունքները»:
«Օլևսկի քաղաքապետը եկել է իր դեմ կազմակերպված բողոքի ակցիային: Նրան ոչ ոք չի ճանաչել»,- լուսանկարին կից գրել է լրագրողը՝ նրան անվանելով «80-րդ մակարդակի թրոլլ»:
Հրապարակման մեկնաբանություններում օգտատերերը սկսել են կատակել ուշագրավ միջադեպի վերաբերյալ: «Կրկնակի գործակալ»,- գրել է օգտատերերից մեկը:
Նշվում է, որ քաղաքապետի ու նրա թիմի դեմ հարուցված են մի քանի քրեական գործեր՝ բյուջետային միջոցների յուրացման և հափշտակության վերաբերյալ: