ԱՄՆ-ը եւ Հարավային Կորեան կդադարեցնեն լայնամասշտաբ զորավարժանքները
ԱՄՆ-ն ու Հարավային Կորեան որոշել են դադարեցնել ամենամյա զորավարժանքները, որոնք խստորեն քննադատվում են ԿԺԴՀ-ի կառավարության կողմից: Խոսքը վերաբերում է ինչպես լայնամասշտաբ «Երիտասարդ արծիվ», այնպես էլ «Առանցքային վճռականություն» զորավարժանքներին, հաղորդում է «Նեմեցկայա վոլնա»-ն՝ հղում կատարելով ԱՄՆ-ի պաշտպանության նախարարության ներկայացուցչին:
Վաշինգտոնն ու Սեուլը որոշել են հրաժարվել զորավարժանքների անցկացումից Կորեական թերակղզու ամբողջական ապամիջուկայնացման հարցում առաջընթաց գրանցելու համար: Սակայն երկրների բանակները կշարունակեն պահպանել մարտական պատրաստվածությունը, նշել են Պենտագոնում:
Միեւնույն ժամանակ վարչությունում ընդգծել են, որ ԱՄՆ-ի եւ Կորեայի Հանրապետության սերտ համագործակցությունը պաշտպանության ոլորտում շարունակվում է:
Հարավկորեական բանակի ներկայացուցիչն, իր հերթին, հայտնել է, որ մարտի 4-ից երկու կողմերը կսկսեն իննօրյա համատեղ վարժանքներ Dong Maeng անվանմամբ: Դրանք կկրեն հիմնականում պաշտպանողական բնույթ, սակայն դրանց մասնակից զինծառայողների ստույգ թիվը դեռ հայտնի չէ: