Շվեյցարիայում դպրոցականները հանդիպել են գեյերին եւ լեզբուհիներին
Ուրբաթ շվեյցարական Տավել քաղաքում միջնակարգ դպրոցի ավագ դասարանների աշակերտները հրավիրվել էին «ABQ Միջդպրոցական նախագիծ» ասոցիացիայի կազմակերպած հանդիպմանը, որն արդեն 20 տարի է շվեյցարական կրթական հաստատություններում անցկացնում է սեռական կողմնորոշման եւ գենդերային էթիկայի ու հոգեբանության մասին սեմինարներ, հաղորդում է ՄԿ-ը՝ հղում կատարելով Swissinfo պորտալին:
Ինչպես հաղորդում է պորտալը, սեմինարի ընթացքում երեխաները ծանոթացել են այլընտրանքային սեռական եւ անձնային կողմնորոշում ունեցող ներկայացուցիչների հետ, գործնականում տեղեկացել՝ ինչ տեսք ունեն գեյերն ու լեզբուհիները, ովքեր են բիսեքսուալները եւ տրանսգենդերները, ինչպես նաեւ հարցեր են հղել նրանց:
Շվեյցարացի դպրոցականներին զարմացրել էր աշխարհի քարտեզը, որի վրա նշված էին 72 պետություններ, որտեղ միասեռականությունը մինչ այժմ դիտարկվում է որպես քրեական հանցագործություն եւ պատժվում, ընդ որում՝ 8 երկրներում գործում է մահապատիժը: