Արգենտինայի նախկին նախագահը և նրա զավակները դատարանի առջև կկանգնեն
Արգենտինացի դատավոր Խուլիան Էրկոլինին վճռել է սկսել փողեր լվանալու գործով նիստերը, որում որպես մեղադրյալներ են ներկայացվում սենատոր և նախկին նախագահ Կրիստինա Ֆերնանդես դե Կիրշները և նրա զավակները՝ Ֆլորենսիա ու Մաքսիմո Կիրշներները, հաղորդում է «Տոդո նոտիսաս»-ը։
Էրկոլոնիի կարծիքով՝ հանցավոր սխեմայի միջոցով կասկածյալները 80 մլն դոլար են լվացել։ Բացի նախկին նախագահից և նրա զավակներից, գործով շուրջ տասը մարդ է անցնում, ներառյալ՝ ձեռներեց Լասարո Բաեսը։
Գործի շրջանակում հետաքննում են Hotesur ընկերության գործունեությունը, որի սեփականատերը Կիրշներ ընտանիքն է։ Մեղադրող կողմի կարծիքով՝ ֆիրման օգտագործվել է կաշառք ստացած փողերը լավանալու նպատակով։ Դատախազությունը պնդում է, որ Ֆերնանդես դե Կիրշների և նրա ամուսնու՝ Նեստոր Կիրշների կառավարման օրոք պետությունից պատվեր ստացա ձեռներեցները, վճարել են Hotesur-ին պատկանող հյուրանոցների համարների դիմաց, սակայն դրանցում չեն գիշերել։