Աճուրդի է հանվել 1944 թվականին Ստալինի ստորագրած հրամանագիրը
Խորհրդային առաջնորդ Իոսիֆ Ստալինի հրամանագիրը, որով Երկրորդ համաշխարհային պատերազմի ժամանակ վերանվանել են Սևաստոպոլի համար պայքարող զորամասերը, աճուրդի է հանվել Ֆրանսիայի Aguttes աճուրդի տանը:
РИА Новости գործակալության հաղորդմամբ` Ստալինի ստորագրությամբ հրամանագրի աճուրդային արժեքը սահմանվել է 7-8 հազար եվրո:
«Զորամասերը, որոնք առանձնացել են գերմանացի զավթիչների դեմ Սև ծովի ամենակարևոր ռազմական բազայի` Սևաստոպոլի ազատագրման մարտերում, անվանակոչել Սևաստոպոլյան»,- նշված է պատմական փաստաթղթում:
Վերանվանված ստորաբաժանումների թվում են եղել հինգ հրթիռահրետանային զորամաս և մեկ զենիթահրթիռային վաշտ:
1944 թվականի հունիսի 6-ի թիվ 0162 հրամանագիրը գրված է կապույտ մատիտով, էջի ներքևի մասում դրված է բոլորին հայտնի Ստալինի ստորագրությունը:
Աճուրդի հանված հրամանագրի վաճառքը տեղի կունենա ապրիլի 4-ին: