Մոսկվայում տղամարդն ընկել է մետրոյի ռելսերի վրա և ողջ մնացել
Ռուսաստանի մայրաքաղաք Մոսկվայում տղամարդն ընկել է մետրոյի ռելսերի վրա և ողջ մնացել, գրում է «ՌԻԱ Նովոստի» գործակալությունը՝ հղում անելով Մոսկվայի արտակարգ ծառայությունների ներկայացուցչին:
Նշվում է, որ փրկարարները հասցրել են ժամանակին դուրս բերել քաղաքացուն: Նրանք տուժածին փոխանցել են բժիշկներին՝ համապատասխան հետազոտությունների համար:
Առայժմ հայտնի չէ՝ արդյոք պատահածը դիտավորություն էր, թե պատահականություն: Դեպքի հանգամանքները պարզվում են:
Միջադեպի հետևանքով մետրոյի մի քանի կայարաններում գնացքների երթևեկությունը ժամանակավորապես կանգնեցվել էր, այժմ Մոսկվայի մետրոպոլիտենը շարունակում է աշխատանքը բնականոն ռեժիմով:
Այլ մանրամասներ չեն հաղորդվում: