ԱՄՆ-ում տղամարդն ու կինը միմյանց ծեծել են ծովախեցգետնի տոտիկների համար
Ալաբամայում ոչ մեծ քաղաքի ճաշարանում ծովախեցգետնի տոտիկների համար ծեծկռտուք է սկսվել։ Երկու հաճախորդների միջեւ վեճը վերածվել է իսկական ձեռնամարտի, երբ նրանք չեն կարողացել բաժանել ուտեստը։ Արդյունքում կռվարարները ձերբակալվել են՝ հայտնում է Americaru-ն։
Հանթսվիլում Meteor Buffet-ում տղամարդն ու կինը սկսել են կոտրել ամանները եւ միմյանց վրա բեկորներ նետել։ Հաճախորդները շվեդական սեղանի երկար հերթ են կանգնել, մինչեւ հասել են ծովախեցգետիններին, սակայն այդ ուտեստին ստիպված են եղել մոտ 20 րոպե սպասել։
Երբ ծովամթերքը վերջապես բերել են, մի կին հարձակվել է տարեց տղամարդու վրա, որպեսզի իր բաժինը շուտ ստանա։ Նրանք միմյանց հարվածել են այն ամենով, ինչ ձեռքի տակ է ընկել։ Ճաշարանի աշխատակիցները ստիպված են եղել ոստիկանություն կանչել։