Անկարան անհանգստացած է հնդ-պակիստանյան լարվածության աճով․ Մեւլյութ Չավուշօղլու
Թուրքիան իր անհանգստությունն է հայտնել, կապված հնդ-պակիստանյան hարաբերությունների կտրուկ սրման հետ։ Այս մասին հայտարարել է Թուրքիայի ԱԳ նախարար Մեւլյութ Չավուշօղլուն։ Ըստ նրա, Անկարան պատրաստ է օգնել երկու երկրների հարաբերություններում ի հայտ եկած դժվարությունների հարթման գործում։ «Անկարան անհանգստացած է լարվածության աճով եւ կոչ է անում կողմերին ողջամտության եւ զսպվածության։ Թուրքիան պատրաստ է իր ներդրումն ունենալ Հնդկաստանի եւ Պակիստանի միջեւ լարվածության թուլացման գործում»,- «Անադոլու» լրատվական գործակալության փոխանցմամբ, ասել է Չավուշօղլուն։