Զանգվածային ծեծկռտուք երրորդ դասարանցի աղջիկների միջեւ
Մոսկվայում 3-րդ դասարանցի աշակերտուհիների միջեւ տեղի ունեցած զանգվածային ծեծկռտուքից հետո 4 աղջիկներ հոսպիտալացվել են: Ըստ ոստիկանության հաղորդագրության, 2009 թվականին ծնված 2 եւ 2010 թվականին ծնված 1 աշակերտուհու տեղափոխել են թիվ 9 մանկական կլինիկական հիվանդանոց: Բժիշկները 2 աշակերտուհու մոտ ախտորոշել են որովայնի փակ վնասվածքներ, իսկ մեկի մոտ՝ գանգուղեղային վնասվածք եւ ուղեղի ցնցում:
Ըստ նախնական տվյալների կոնֆլիկտն առաջացել է դասարանում նոր աշակերտուհու գալու պատճառով: Դպրոցի տնօրենն ասել է, որ ծեծկռտուքի պատճառը եղել է անձնական հակակրանքը: «Պատճառը միմյանց նկատմամբ անձնական հակակրանքն է, ամեն ինչ տեղի է ունեցել չորրորդ դասից հետո՝ դասամիջոցին: Ծեծկռտուքին մասնակցել են 5 աղջիկներ, 4-ը՝ հոսպիտալացվել են: Այժմ հիվանդանոցում ծնողների խնդրանքով մնացել են 2 աղջիկներ, մյուս 3-ն արդեն տանն են: Երկու աղջիկների վիճակը բավարար է, կյանքին եւ առողջությանը վտանգ չի սպառնում»,- ասել է նա:
Աղջիկների միջեւ կոնֆլիկտի փաստով Մոսկվայի Քննչական կոմիտեում կատարվում է նախաքննություն: «Պարզվում են միջադեպի բոլոր հանգամանքները, մասնավորապես ինչու այդ պահին դասարանում ուսուցիչ չի եղել: Ստուգումների արդյունքները կներկայացվեն ավելի ուշ»,-ասվում է կոմիտեի կայքում:
Top-News.am