Եվրամիությունը կոչ է արել Հնդկաստանին եւ Պակիստանին թույլ չտալ լարվածության սրացում
Եվրամիությունը կոչ է անում Հնդկաստանին եւ Պակիստանին զսպվածություն ցուցաբերել եւ թույլ չտալ լարվածության սրացում, երեքշաբթի ճեպազրույցում ասել է դիվանագիտական ծառայության ներկայացուցիչ Մայա Կոսյանչիչը, տեղեկացնում է ՌԻԱ «Նովոստի»-ն։
«Մենք ուշադիր հետեւում ենք Հնդկաստանի եւ Պակիստանի միջեւ իրադարձությունների զարգացմանը, շփման մեջ ենք երկու երկրների հետ։ Եվ մենք կողմնակից ենք, որպեսզի բոլորը ցուցաբերեն առավելագույն զսպվածություն լարվածության հետագա սրացում թույլ չտալու համար»,- ասել է նա՝ արձագանքելով վերջին իրադարձություններին։