«Բարի ճանապարհ». Նեթանյահուն մեկնաբանել է Իրանի արտգործնախարարի հրաժարականը
Իսրայելի վարչապետ Բենյամին Նեթանյահուն մեկնաբանել է Իրանի արտգործնախարար Ջավադ Զարիֆի հրաժարականը:
«Զարիֆը հեռացավ: Բարի ճանապարհ նրան: Քանի ես այստեղ եմ, Իրանը միջուկային զենք չի ստանա»,- գրել է Նեթանյահուն թվիթերյան իր էջում:
Հիշեցնենք, որ երեկ արտգործնախարարը հայտնել էր իր հրաժարականի մասին՝ ներողություն խնդրելով ծառայությունը շարունակելու անկարողության և իր պաշտոնավարման ժամանակ թույլ տված թերությունների համար:
Զարիֆի պաշտոնավարման օրոք կնքվել է Իրանի միջուկային պայմանագիրը, որին դեմ է Իսրայելը, իսկ ԱՄՆ-ն Դոնալդ Թրամփի՝ նախագահ դառնալուց հետո դուրս էր եկել պայմանագրից:
Իսրայելն Իրանի իշխանությունների միջուկային հավակնությունները, տարածաշրջանային ընդարձակման և հակաիսրայելական հռետորաբանությունն ազգային անվտանգության համար լուրջ վտանգ է համարում: