Եթե Պորոշենկոն վերընտրվի, Ուկրաինայում կենցաղային գազի գինը կաճի 43 տոկոսով. Տիմոշենկո
Ուկրաինայի նախագահի թեկնածու, «Հայրենիք» կուսակցության ղեկավար Յուլյա Տիմոշենկոն հայտարարել է, որ եթե երկրի գործող նախագահ Պյոտր Պորոշենկոն վերընտրվի, Ուկրաինայում կենցաղային գազի գինը կաճի 43 տոկոսով, գրում է gazeta.ru-ն:
Տիմոշենկոյի խոսքով՝ եթե Պորոշենկոն մնա իր պաշտոնին, ապա նրա «մաֆիան» անպայման գազի գնի նման ինդեքսացիայի կդիմի:
«Քողարկվելով հայրենասիրական կոչերով՝ նրանք ծրագրել են կրկին բարձրացնել գազի գինը մայիսի 1-ից 15 տոկոսով, իսկ դեկտեմբերի վերջից՝ ևս 25 տոկոսով: Ընդհանուր առմամբ՝ 43 տոկոս մեկ տարվա մեջ», - ասել է Տիմոշենկոն:
Հիշեցնենք, որ նախագահական ընտրություններն Ուկրաինայում նախատեսված են մարտի 31-ին: