2019 թվականին ավիաընկերություններն ավելի հաճախ կհետաձգեն եւ կչեղարկեն չվերթները
Չվերթները հետաձգելու կամ չեղարկելու թիվը 2019-ին ողջ աշխարհում կարող է հասնել օրական 33 հազարի, կանխատեսում է AirHelp-ը։
Սերվիսի մասնագետների կանխատեսումներով, որն ուղեւորներին օգնում է փոխհատուցում ստանալ հետաձգված կամ չեղարկված չվերթի դիմաց, 2019-ին տասից տասնմեկ միլիոն չվերթով կավելանա հետաձգումների կամ չեղարկումների հետ բախվող ուղեւորների թիվը։
Փորձագետները հետաձգումների կամ չեղարկումների թվի ավելացումը բացատրում են շատ երկրներում օդաչուների թվի անբավարարությամբ եւ այն բանով, որ որոշ օդանավակայաններ պատրաստ չեն ապահովել առկա չվացուցակը։
«Հերթական գործադուլների սպառնալիք, օդաչուների եւ կարգավարների թվի անբավարարություն, ծանրաբեռնված ժամանակացույց Եվրոպայի խոշոր օդանավակայանների մեծ մասում՝ ուղեւորները պետք է պատրաստ լինեն, որ 2019-ին հետաձգումների թիվը չի կրճատվի»,- նախազգուշացնում է ընկերության պատասխանատու Հենրիկ Զիլմերը։ Նա հիշեցնում է, որ չվերթների հետաձգումների եւ չեղարկումների դեպքում նախատեսվում է փոխհատուցում ըստ եվրոպական №261 կանոնակարգի, տեղեկացնում է ՌԻԱ «Նովոստի»-ն։