7-ամյա տղան համացանցում ճանաչում է գտել իր արագ վազքի շնորհիվ (լուսանկարներ, տեսանյութ)

ԱՄՆ Ֆլորիդա նահանգում բնակվող Ռուդոլֆ «Բլեյզ» Ինգրեմին արդեն անվանում են աշխարհի ամենարարգ երեխան:

Ինչպես ներկայացնում է Boredpanda.com-ը, համացանցում մեծ տարածում են գտել 7-ամյա տղայի մասնակցությամբ մրցավազքերի տեսանյութերը: Ըստ հրապարակված հոլովակների՝ տղան 100 մետր երկարությամբ մրցուղին վազում է 13,48 վայրկյանում:

Աշխարհի ուշադրության կենտրոնում տղան առաջին անգամ հայտնվել է 6 ամիս առաջ, երբ NBA-ի աստղ ԼեԲրոն Ջեյմսը կիսվել էր փոքրիկ մարզիկի տեսանյութով, որում վերջինս առաջ էր անցել պաշտպաններից ֆուտբոլային հանդիպման ժամանակ:

Բլեյզը սկսել է մարզվել մրցումների համար 4 տարեկանում: