«Ապօրինի հարստացում». Յուլիա Տիմոշենկոյի դեմ բողոք է ներկայացվել Գլխավոր դատախազություն
«Կոռուպցիայի հակազդեցության կենտրոն» ուկրաինական հասարակական կազմակերպությունը պահանջել է երկրի գլխավոր դատախազ Յուրի Լուցենկոյից քրեական գործ հարուցել նախագահի թեկնածու Յուլիա Տիմոշենկոյի հնարավոր ապօրինի հարստացման փաստի առթիվ, հաղորդում է Life.ru-ն:
Ինչպես նշվում է կազմակեչպության պաշտոնական կայքում, 2018 թվականի վերջին նմանատիպ դիմումներ արդեն ներկայացվել են Մասնագիտացված հակակոռուպցիոն դատախազություն ու Ուկրաինայի Ազգային հակակոռուպցիոն բյուրո:
Որպես ապացույց ներկայացվել են փաստաթղթերի կրկնօրինակներ, որոնք վկայում են ամերիկյան լոբբիստների ծառայությունների համար թաքնված եկամուտների մասին: Չնայած այս ամենին՝ քաղգործչի նկատմամբ քրեական գործ իրավապահներն այնուամենայնիվ չեն հարուցել: