Զգուշացե՛ք ոչ հայկական կոդերով հեռախոսահամարների զանգերից
Վերջին շրջանում համացանցում բավականին շատացել են ահազանգերն այն մասին, որ մարդիկ տարբեր հեռախոսահամարներից՝ հիմնականում ոչ հայկական կոդերով, զանգեր են ստանում. զանգում են ու անջատում:
Տեղեկատվական անվտանգության հարցերի փորձագետ Սամվել Մարտիրոսյանը նշում է, որ այդ զանգերի մեջ վտանգ կա. «Այդ զանգերին պատասխանելու մեջ վտանգ չկա, շատերը կարծում են, թե նույնիսկ զանգեր ստանալիս էլ վտանգ կա, բայց խնդիրը հետ զանգելն է. եթե հետ զանգեք, ձեր հաշվից գումարներ կքաշեն: Կա մեկ այլ տիպի մախինացիա նույնպես, որոնք արդեն չունեն հստակ պատկեր: Դա հեռախոսային մեքենայություններն են, որոնք զանգում են, տարբեր բաներ են հորինում, օրինակ՝ կարող են զանգել ու ասել, որ իրենք բանկից են ու գումար շորթեն: Հայաստանում դա դեռ տարածված չէ, այդպիսի դեպքերը Հայաստանում զանգվածային չեն»:
Հեռախոսահամարներ, որոնցից հաճախ զանգեր են լինում՝ +23677990122, +25797770331, +420910044193, +420910044195 և այլն:
Տարածված խնդիր կա նաև «Ֆեյսբուք» սոցիալական ցանցում: Մեսինջերով հիվանդ երեխայի նկար են ուղարկում օգտատերերին և հորդորում տարածել, որի շնորհիվ գումար կփոխանցվի փոքրիկին օգնելու համար: Սամվել Մարտիրոսյանը նշում է, որ ի տարբերություն վերը նշվածի, այս դեպքում վտանգ չկա. «Մեսինջերով ուղարկված նկարն ուղղակի հիմարություն է, իրականում տակը ոչ մի վտանգավոր բան չկա, բայց ինքը քաղաքային լեգենդ է, որ մի քանի ամիսը մեկ բուծվում է»:
Հարցին՝ այնուամենայնիվ, ո՞րն է նման բաների նպատակը, Սամվել Մարտիրոսյանը նշեց. «Կան դեպքեր, երբ դա արվում է միտումնավոր, որպեսզի ստուգվի նմանատիպ բաների հնարավոր տարածումը, որպեսզի հասարակության զոնդաժ արվի, թե ո՛ր տոկոսն է ներգրավվում ինչ-որ գործողությունների մեջ՝ առանձնապես չխորանալով: Աղբյուրը դժվար է ասել, հիմնականում դա Հայաստանից չէ: Հայաստան շատ դեպքերում ներթափանցվում է հետևյալ կերպ՝ մեկը դրսից տեսնում է, թարգմանում է ու հայերեն տարածում»:
Մոտ մեկ ամիս առաջ էլ մենք անդրադարձել էինք ֆեյք էջերին, որոնք «Ինստագրամ» սոցիալական ցանցում տարբեր օգտատերերի նկարներով կեղծ էջեր էին բացում և նրանց ընկերներին նամակներ գրում:


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Հաղթենք դիաբետը միասին
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...